Pagoeta Mendi Lasterketa

Hilabete batzuk pasa dira Pagoetako Mendi Lasterketa ospatu zenetik, baina inoiz ez da berandu babesle eta laguntzaileei eskerrak emateko.

Lasterketaren antolakuntzan ibili garenok orokorrean balorazio oso positiboa egin dugu lasterketari dagokionez. Parte-hartzaileak oso gustura aritu ziren eta asko eskertu zituzten antolakuntzaren aldetik jasotako tratu eta zerbitzuak: opariak, zozketak, hamaiketakoa, etab. Horrek indarra eta ilusioa ematen digu datorren urtera begira lanean jarraitzeko.

Lasterketaren arrakasta horretan zerikusi zuzena daukazu, zalantzarik gabe. Izan ere, zure ekarpenari esker lehen aipaturiko zerbitzu horiek eskaini ahal izan ditugulako. Horrexegatik, gutun honen bidez eskerrak eman nahi dizkizugu zure laguntzagatik.

Datorren urtean ere zure babesarekin jarraitzea espero dugu.

Bitartean, ondo izan!




Jarraitu gatzaizu Facebooken!

Antolatzaileak